Plagosen me armë zjarri dy persona në Mamurras.

Ngjarja ka ndodhur mbrëmjen e sotme rreth orës 22:05, një rrugë rurale, në  rrethana ende të paqarta.

Të plagosurit janë K.L. dhe E.Z., të dy 21 vjeç, banues në Mamurras.

Ata janë dërguar në Spitalin e Traumës në Tiranë, ndersa mësohet se ndodhen jashtë rrezikut për jetën.

Shërbimet e Policisë shkuan  në vendngjarje dhe bënë të mundur identifikimin e autorit të ngjarjes, konkretisht  shtetasi E.N, 22 vjeç.

Janë ngritur pika kontrolli  dhe vijon krehja e zonës për kapjen e tij.

Grupi hetimor ndodhet në vendngjarje dhe nën drejtimin e Prokurorisë vijon puna për  zbardhjen e plotë të shkakut dhe rrethanave të ngjarjes./noa.al/