Zyra e delegacionit të Bashkimit Europian në Tiranë e ka përcjellë me shqetësim shembjen e Teatrit Kombëtar.

Në një reagim publik, thuhet se BE kërkoi dialog përpara se të merrej një vendim i tillë.

“Prishja e Teatrit Kombëtar erdhi në një kohë kur ne kërkuam dialog midis autoriteteve dhe shoqërisë civile para se të merret një vendim i pakthyeshëm. Na vjen keq për këtë thirrje që nuk është ndjekur nga institucionet përkatëse kombëtare dhe lokale”, thuhet në reagim.

Dhe në këtë situatë, BE kërkon nga palët e përfshira që të shmangin përshkallëzimin e situatës.

"Që në orët e para të këtij mëngjesi, ne kemi ndjekur me shqetësim të thellë zhvillimet në terren. Ne i bëjmë thirrje palëve të tregojnë kufizim dhe të shmangin përshkallëzimin e situates”, përfundon reagimi. /k.k/noa.al/