Teatri do të mbrohet me trupat tanë, deklaron Monika Kryemadhi
Transmetuar më 15-05-2020, 15:44

Monika Kryemadhi deklaroi në “Ditari” në A2 se Erion Veliaj “po shkatërron dhe po grabit Teatrin Kombëtar që Edi Rama të mos kthejë paradhënien që u ka marrë djemve që kanë mbushur rrugët e Evropës me drogë”.

“Nuk mund të mohosh punën në Tiranë të Erion Veliajt, por nuk mund të harrosh që ai po shkatërron dhe po grabit Teatrin Kombëtar që Edi Rama të mos kthejë paradhënien që u ka marrë djemve që kanë mbushur rrugët e Evropës me drogë. Unë nuk kam komplekse që të pranoj punën e bërë mirë dhe të them punët që janë bërë keq”, tha kryetarja e LSI-së.

“Ne do të rrimë në teatër me dezhurn, për të ruajtur godinën. Nëse në moment do të shikojmë që po afrohet diçka, do t’i njoftojmë të gjithë që të vijnë në teatër. Do të qëndrojmë me radhë aty, dhe nuk ka fadromë që të na largojë. Atë godinë do ta mbrojmë me trupat tanë, nëse duan ta shembin, fadromat do të kalojnë mbi trupat tanë”, u shpreh Kryemadhi.

Monika Kryemadhi Live @A2 CNN

Live @A2 CNN

Publiée par Monika Kryemadhi sur Vendredi 15 mai 2020

Loading...