Një person është gjetur i vdekur paraditen e sotme në zonën e Currilave në Durrës.

Më konkretisht kufoma e një femre është gjetur në afërsi të bregut të detit, nga peshkatarët të cilët lajmëruan policinë.

Policia tha zyrtarisht se rreth orës 08:30, në lagjen nr.1,Durrës, është gjetur e mbytur në det një shtetase e seksit femër ende e  paidentifikuar.

Grupi hetimor ndodhet në vendngjarje dhe po punon për zbardhjen e ngjarjes

Trupi i pajetë është dërguar në morg, ku pritet ti nënshtrohet ekspertizës mjeko-ligjore.

Nuk dihen ende rrethanat e vdekjes së viktimës, ndërkohë që hetimet janë në vijim. /a.y/noa.al