Kryedemokrati Lulzim Basha prej disa ditësh tashmë po zhvillon takime me qytetarë të ndryshëm dhe përfaqësues të bizneseve, lidhur me vështirësitë e krijuara nga situata e koronavirusit.

“Sa më shumë qytetarë takoj aq më prezent bëhet shqetësimi për rrënimin e ekonomisë shqiptare. Faturat dhe taksat e larta, rënia drastike e konsumit por edhe mungesa totale e ndihmës nga ana e qeverisë Rama po e çojnë biznesin në kolaps dhe qytetarët drejt varfërisë së pashmangshme”, thotë Basha.

Lideri i opozitës shprehet se sot në Shqipëri ka 10 herë më shumë të papunë prej keqmenaxhimit të krizës nga Rama, krahasuar me vendet e tjera të rajonit.

Sipas tij, të rinisësh normalitetin pa strategji dhe pa ndihmë konkrete siç bën Rama do të thotë t’i çosh qytetarët drejt krizës së thellë ekonomike dhe greminës së mjerimit.

Basha ngre shqetësimin se pandemia ekonomike ka prekur shumicën e familjeve shqiptare që sot më shumë se kurrë kanë nevojë për ndihmë dhe mbështetje konkrete dhe dhe jo për fjalë dhe shoë në Facebook.

“Mbi 70% e shqiptarëve janë sot pa asnjë ndihmë ekonomike dhe pa të ardhura. Ndërsa vendi zhytet në varfëri Rama vazhdon të mendojë vetëm për karrigen dhe xhepat e tij dhe të 10 oligarkëve, klientë të tij”, thotë ndër të tjera kryetari i Partisë Demokratike. /a.y/noa.al

PËRDITËSIM LIVE