Bie në pranga një person në Kosovë i cili dyshohet se ka kërcënuar nga fëmijët dhe ka kërkuar para nga lideri i AKR-së, Behgjet Pacolli.

Lajmin e ka bërë të ditur Naim Murseli, këshilltar i kryetarit të Aleancës Kosova e Re, Behgjet Pacolli, përmes një postimi në Facebook.

“Personi i arrestuar në orët e vona mbrëmë, me incialet E.H, i cili kërcënoi z. Pacolli dhe fëmijët e tij i ka kërkuar gjithashtu para. Personi ka pretenduar të jetë edhe prokuror i Kosovës”, shkruan në njoftimin e dhënë, Murseli.

Sipas Murselit, ai ka kërcënuar po ashtu me arrestim të Pacolli.

“E.H ka kërkuar në internet shkollën e fëmijëve, e cila është shkollë publike, të z. Pacolli dhe ka kërcënuar atë se do t’i rrëmbejë dhe do t’i djegë ata për së gjalli. Z. Pacolli është shumë i tronditur dhe i mërzitur emocionalisht nga kërcënimet e bëra”, ka shkruar Murseli./noa.al/