Ditën e djeshme u konfirmuan dy raste me koronavirus në qytetin e Elbasanit.

Ata janë një çift bashkëshortësh dhe burri 62 vjeç ishte shoferi i autobusit që dërgonte punonjësit e një fasonerie në qytet.

Gruaja e tij u dërgua menjëherë me urgjencë në Tiranë, ndërsa burri u karantinua në shtëpi.

Abc News mëson se gruaja ka qenë në parë në Urgjencën e Elbasanit duke thënë se kishte probleme me zemrën. Pas ekzaminimeve, rezultoi pozitive ndaj koronavirusit.

I gjithë stafi mjekësor që i qëndroi pranë ka rezultuar negativ, por mbetet në karantinë në pritje të një testimi të dytë./a.m/noa.al