Një mama e mërzitur nga izolimi gjatë pandemisë së koronavirusit përdori lodrat e djalit të saj në kopshtin e shtëpisë dhe nxori një monedhë ari pesëqind vjeçare. Gruaja me fat, rrëmoi në kutitë e lodrave të të birit dhe pikasi aty një dedektor metali. E nxori dhe nisi të shëtisë me të në shtëpi, më shumë për të vrarë kohën. Befas gjeti monedhën e vyer.

Sipas tabloidit britanik, The Sun, Amanda Xhonston, 48 vjeçe zbuloi që monedha ka një vlerë të paktën 3000 euro ose mbi 400 mijë lekë të rinj.

Amanda, e cila jeton pranë Portsmuthit, tha: "Isha mërzitur në izolim dhe doja të shihja nëse mund të gjeja ndonjë gjë interesante.

Në fillim gjeta gozhda, por papritur, detektori filloi të bënte shumë zhurmë.

Sapo e kisha sistemuar kopshtin dhe nuk doja të gërmoja. Megjithatë, gërmova afro 20 cm dhe pashë monedhën që shkëlqente. Nuk arrija t’u besoja syve." e.i/noa.al/