Shkon në 25 numri i viktimave nga Covid-19 në Shqipëri, pasi mëngjesin e sotëm gjeti vdekjen në spitalin infektiv një pacient 90-vjeç nga Fieri, i intubuar prej 11 ditësh i cili vuante nga diabeti, astma bronkiale dhe hipertensioni.

Aktualisht në shërbimin infektiv aktualisht janë 39 të shtruar. 5 pacientë janë në terapi intensive. Në spitalin COVID 2 “Shefqet Ndroqi”, janë 9 pacientë të shtruar. 7 pacientë janë në terapi intensive, ndërsa 4 prej tyre janë të intubuar.

Në dy spitalet COVID aktualisht po marrin shërbim 48 pacientë.

Sakaq në orët e fundit u shënuan 19 raste pozitive me COVID-19, prej të cilëve 11 raste në Tiranë, 1 rast në Krujë, 1 rast në Korçë, 1 rast në Elbasan, 5 raste në Kukës mes tyre 1 personel shëndetësor.

Deri në këto momente janë testuar 4558 raste të dyshuara dhe prej tyre janë të konfirmuar pozitivë me COVID-19, 494 raste.

Gjatë 24 orëve të fundit, 3 pacientë të tjerë i janë shtuar listës së të shëruarve, duke e çuar numrin e të shëruarve nga COVID-19 në 251.

Harta e të prekurve nga COVID-19 zgjerohet në Tiranë, Kukës, Krujë, Elbasan dhe Korçë.

Shpërndarja gjeografike e rasteve pozitive, është në Tiranë 237 raste; Durrës 42 raste; Lushnje 6 raste; Elbasan 16 raste; Fier 32 raste; Kavajë 8 raste; Rrogozhinë 4 raste; Korçë 18 raste; Vlorë 5 raste; Shkodër 71 raste; Lezhë 14 raste; Berat 2 raste; Has 13 raste; Krujë 7 raste; Tropojë 4 raste; Pukë 5 raste; Mirditë 3 raste dhe Kukës 6 raste. /a.y/noa.al

PËRDITËSIM LIVE