Ende po punohet për të gjetur ilaçin që kuron koronavirusin ose për të zhvilluar vaksinën që do t’i japë fund pandemisë së Covid-19. Të dëshpëruar nga shifrat e larta të të infektuarve dhe viktimave, britanikët po vendosin jetën në rrezik duke përdorur tabletat kundër malaries për të luftuar koronavirusin.

Mbrëmjen e kaluar, ekspertët britanikë hodhën poshtë pretendimet e studiueseve francezë që ilaçet e krijuara disa dekada më parë mund të kurojnë koronavirusin. Duke iu referuar studimit francez të muajit mars 2020 ku sugjerohej përzierja e klorokinës me hidroksiklorokinë, britanikët paralajmërojnë se efekte negative të saj mund të sjellin dhe efekte të rrezikshme në shoqëri.

Ilaçet, klorokuin dhe hidroksiklorokuin u përdorën në vite për të mbrojtur udhëtarët nga infektimi i malaries. Sidoqoftë, jepen shumë rrallë për përdorim në ditët e sotme pasi parazitët e malaries që shkaktojnë sëmundjen janë bërë rezistente ndaj ilaçeve.

Trajtimi është i njohur që shkakton efekte anësore shqetësuese, duke përfshirë probleme me ritmin e zemrës dhe mund të çojnë në një arrest të papritur, fatal të zemrës.

Farmacistët në Britaninë e Madhe kanë parë një rritje të numrit të personave që marrin ilaçe pa recetë. Shoqata Kombëtare e Farmacive, e cila përfaqëson farmacistë të pavarur, pretendoi se anëtarët po raportonin një rritje të kërkesës, dhe se mjekët e kishin përshkruar për përdorim personal, raporton Daily Mail./a.m/noa.al