Rreth një dekadë më parë, qeveria gjermane ka paralajmëruar shpërthimin e pandemisë së koronavirusit. Një studim i vitit 2012 tregonte se do të kishte mungesë të mjekëve dhe stafit të infermierëve, mungesën e shtretërve dhe pajisjeve mjekësore si maskat, syzet, veshjet mbrojtëse dhe pajisjet e frymëmarrjes.

Në studimin e përgatitur nga instituti Robert Koch, thuhej se kapacitetet mjekësore nuk do të mjaftonin për të përballuar sëmundjen. Të dhënat aktuale po e vërtetojnë këtë pasi e gjithë bota po vuan për pajisje mjekësore ndërsa numrat e të infektuarve rriten çdo ditë.

Bazuar në skenarin e epidemisë SARS, studimi thoshte se bota do të përballej me një pandemi që do të zgjaste tre vite derisa të vihej në dispozicion vaksina.

Në këtë periudhë do të ndodhnin tre momentet kyçe të infeksionit që do të zhvilloheshin në forma valore. “Gjatë valës së parë (nga dita 1 deri në ditën 411), në Gjermani do të sëmureshin 29 milionë vetë; gjatë valës së dytë (dita 412 deri në 692) do të sëmureshin gjithsej 23 milionë dhe gjatë valës së tretë (dita 693 deri 1052), do të sëmureshin 26 milionë njerëz”, thuhet në studim, raporton WSWS.org. Në tre vitet e pandemisë parashikohej vdekja e 7.5 milionë personave si rezultat i infeksionit.

Gjithashtu, studimi tregonte se nga 29 milionë njerëz të prekur nga vala e parë e sëmundjes, shumë do të shëroheshin, por "në kulmin e valës së parë të sëmundjes, pas rreth 300 ditësh, rreth 6 milion njerëz do të prekeshin nga infeksioni.

Për më tepër, studimi tregon për pasoja të rënda në kujdesin ndaj të moshuarve që janë të izoluar në karantinë në shtëpi dhe duhet të marrin shërbim nga infermierët. Përveç kësaj, thuhej se problemet nuk do të mungonin në gamën e mallrave që ofrohen me shumicë e pakisë si dhe paralajmëronte kolapsin e barnave farmaceutike./a.m/noa.al

Raporti i ZDF për analizën e rrezikut ka tronditur shumë qytetarë

Revista politike ZDF “Frontal21” ka prezantuar në 24 Mars 2020 një analizë shkencore që tani po tërheq shumë vëmendjen në rrjetet sociale. “Raporti mbi Analizën e Riskut në Mbrojtjen Civile 2012” tregon qartë se qeveria federale ka pasur që në atë kohë njohuri rreth rreziqeve të një pandemie. Instituti Robert Koch (RKI) dhe autoritetet e tjera kishin përgatitur skenarin e një pandemie, një analizë teorike e bazuar në epidemitë e mëparshme.

Eksperienca e mëparshme me koronaviruset SARS dhe MERS

Në 2002 dhe 2003, më shumë se 8,000 njerëz në 30 vende të botës u infektuan nga SARS. Pothuajse 800 pacientë vdiqën. Në vitin 2012, koronavirusi MERS u përhap nga Gadishulli Arabik. Në fund të shkurtit 2020, Organizata Botërore e Shëndetit (OBSH) e dinte që 2.519 të sëmurë dhe 866 vdekje ishin për shkak të një infeksioni me virusin MERS. Më 3 janar 2013, Bundestag publikoi rezultatin e mësipërm të dy analizave të rrezikut. Në këto studime jepeshin përmbledhje të ngjarjeve që mund të ndodhin, me çfarë probabiliteti mund të ndodhnin ato dhe sa i madh mund të ishte dëmi i pritshëm.

Parashikoheshin gjithashtu “Ngjarje të jashtëzakonshme epidemike”

Një nga analizat kishte të bënte me një pandeminë e shkaktuar nga patogjeni “Modi-SARS”. Në skenarin e paraqitur përshkruhej një “epidemi e jashtëzakonshme”, thuhet në raport. Gjatë kësaj epidemie parashikohej gjithashtu një mungesë në furnizimin me materaile mjeksore. Sipas raportit të vitit 2012, “industria” nuk mundi të plotësojë plotësisht të gjitha kërkesat për materiale mjeksore sepse u krijuan disa probleme me furnizimin “.

Thomas Rauch, Drejtori Menaxherial i Shoqatës së Higjienës dhe Mbrojtjes së Sipërfaqeve, ka kërkuar informacion për ekzistencën e punimit të vitit 2012 gjatë një bisede me autorin e “Frontal21” Andreas Halbach. “Unë nuk e dija atë. Unë u mërzita shumë nga ky fakt” është shprehur ai. Kontakti i parë me Ministrin Federal të Shëndetësisë Jens Spahn ai e kishte pasur vetëm në mes të marsit 2020.

Kinezët blenë pajisje mbrojtëse nga Gjermania

Paralajmërimi i Achim Theiler ishte “varrosur” në zyrën e ministrit Spahn. Drejtori menaxhues i Franz Mensch GmbH, një nga prodhuesit kryesorë të higjenës dhe artikujve mbrojtës, i kishte shkruajtur ministrit në 5 shkurt 2020 një email, ku ndër të tjera theksohej se 97 përqind e prodhimit të materialeve të higjienës dhe produkteve mbrojtëse në tregun botëror vjen nga Kina. Ndërkohë që epidemia e koronavirusit kishte shpërthyer në dhjetor 2019. Në atë kohë këto artikuj nevojiteshin urgjentisht në Kinë dhe u blenë prej tyre në Gjermani. Theiler i kërkoi qeverisë federale të bënte “shumë para kohe” planifikimin për pajisjet e stafin mjekësor e infermieror. “Ndërkohë që zjarri ishte ndezur e po digjte, autoritetet vazhduan të merreshin me shpjegimin e zjarrit në vend që të mendonin se si ta shuanin atë.” “Modi-SARS” i përshkruar në skenar nga 2012 është hipotetik, por kishte përshkrime e përfundime realiste edhe për të ardhmen, sepse Sars-CoV-2 që sapo ka ndodhur, është një koronavirus. Arsyeja e këtij pohimi është se: “Zgjedhja e një virusi të ngjashëm me SARS u bë, ndër të tjera, në sfondin që varianti i 2003 shpejt i coi shumë sisteme shëndetësore në kufijtë e tyre”.

Spahn dhe Wieler kishin gabim

Kjo përmbytje e sistemit shëdetsor pikërisht ajo që Gjermania po p[ërjeton në pranverën e vitit 2020. Kjo lidhet edhe me mosbesimin që kanë autoritetet të cilën Prof. Lothar H. Wieler, President i Institutit Robert Koch, e shprehu në 21 Janar 2020 në këtë mënyrë: “Në përgjithësi, ne mendojmë se virusi nuk do të përhapet shumë gjerësisht në botë.” Pikërisht, një javë më vonë, Prof. Wieler ishte pranë Ministrit Spahn kur ai në një konferencë për shtyp po siguronte publikun duke thënë: “Sipas mendimit tonë, rreziku për shëndetin e njerëzve në Gjermani nga kjo sëmundje e re e frymëmarrjes nga Kina mbetet i ulët.” Ndërkohë që 3 ditë më parë, Organizata Botërore e Shëndetit kishte vlerësuar tashmë rrezikun e përhapjes së SARS-CoV-2 në të gjithë botën. Në Raporti e vitit 2012 tregohet qartë se “cilat sëmundje të reja infektive do të ndodhin, ku do të ndodhin dhe kur do të ndodhin kjo”. Ndërkohë Prof. Uwe Janssens, President i Shoqatës Gjermane për Kujdesin Intensiv dhe Mjekësinë e Urgjencës, në raportin e përgatitur nga “Frontal21″ deklaronte “ishte i befasuar” dhe se “nuk mund ta imagjinoja që ne në të vërtetë të ishim kaq të papërgatitur”.