Këngëtari i famshëm, Enrique Iglesias, ka ndarë me fansat një lajm të trishtë. Disa orë më parë, ai ka njoftuar se njerku i tij, Carlos Falco, ka ndërruar jetë për shkak të koronavirusit.

Bëhet e ditur se biznemeni i njohur spanjoll, Carlos Falco, ka humbur jetën në moshën 83-vjeçare në një spital në Madrid, duke mos ia dalë të mposhtë virusin e rëndë.

Koronavirusi i shkaktoi Carlos pneumoni të rëndë, e për shkak edhe të moshës së thyer ai e ka pasur të vështirë të mbijetojë.

“Po kalojmë kohë të vështira nga kjo emergjencë, përfshirë edhe në familjen time. Është koha të qëndroni në shtëpi dhe të jeni të vetëdijshëm për të dashurit tuaj. Ju dërgoj një përqafim shumë të madh dhe shpresoj t’ju shoh shumë shpejt. Kurajo!”, shkruan këngëtari i njohur në profilin e tij në “Instragram”.

Carlos Falco ishte njerku i Enrique nga një martesë tjetër e të ëmës. Ajo pati me Carlos edhe një vajzë, Tamara, gjysmëmotra e Enrique. Në foto, i ndjeri dhe nëna e Enrique, Isabel Preysler. /b.l/noa.al/