Vaksina për të mposhtur koronavirusin është gjetur! Një test i parë mbi një qenie njerëzore duket se ka dhënë rezultate pozitive. Më 28 janar, një test i ri i zbulimit të acidit nukleik të koronavirusit, i cili u zhvillua nga Akademia e Shkencave Ushtarake mori certifikatën e regjistrimit përmes aprovimit të urgjencës së Administratës Shtetërore të Barnave, e cila po bllokon virusin.
Chen Wei është mjekja që qëndron pas këtij përparimi të ri shkencor që hap një dritare shprese për kurimin e Covid-19. Epidemiologia me famë botërore dhe gjeneralja kryesore e Ushtrisë Popullore Kineze injektoi dozën e parë në botë për një vaksinë të re të koronavirusit në krahun e saj të majtë, së bashku me ekipin e saj më 3 mars 2020.
Bëhet fjalë për një grup mjekësh të cilët sapo filloi shpërthimi i koronavirusit menjëherë u transferuan në Wuhan.
Chen dhe ekipi i saj kërkimor punuan për më shumë se një muaj në Institutin e Virologjisë së Wuhan, një laborator me vlerësimin më të lartë të biosigurisë.
Zbulimi i vaksinës mund të ndryshojë historinë e botës pasi ai vjen nga vendi ku lindi kjo aventurë e keqe për të gjitha qeniet njerëzore. Ishte në fillim një eksperiment, por rezultatet e marra deri tani duket se japin rezultatet e dëshiruara.
E lindur në vitin 1966 në qytetin e vogël të Lanxi në provincën Zhejiang, Wei u diplomua në Kimi në vitin 1988 dhe një vit më vonë u martua me partnerin e saj, Ma Yiming, një kimist i punësuar në bodrumet ku prodhohet vera.
Tre vjet më vonë, Wei u bashkua me Ushtrinë Popullore kineze dhe u bë virologe në Akademinë e Shkencave Mjekësore Ushtarake, ku tani mban gradën e gjenerales.
Ajo është një shkencëtare model dhe menjëherë u dallua për aftësitë e saj duke u bërë një nga pionieret në luftën kundër Ebolës gjë që e çoi në ballë të betejës në Afrikë, sepse ajo dëshironte të ndalonte epideminë jashtë vendit. Në fund të vitit 2015, Chen Wei drejtoi ekipin i cili zhvilloi gjenin e parë për të mposhtur këtë virus.
Dhe tani ajo përfaqëson shpresën për të gjithë botën për t’i dhënë fund Covid-19. /a.y/noa.al