Meta pas vendimit të BE për negociatat: Të zbatojmë sa më parë kushtet!
Transmetuar më 24-03-2020, 15:17

Presidenti Ilir Meta përshëndet vendimin e ministrave të BE për t’i dhënë “OK” hapjes së negociatave me Shqipërinë dhe Maqedoninë e Veriut.

Kreu i Shtetit shkruan në “Facebook” se pas këtij vendimi të BE, politika shqiptare nuk duhet të humbasë asnjë minutë, por duhet të zbatojë sa më parë kushtet që i paraprijnë konferencës ndërqeveritare për nisjen e negocimit të kapitujve.

"Përshëndes vendimin e sotëm politik të Këshillit të Ministrave të BE që konfirmoi qartë perspektivën europiane të Shqipërisë duke miratuar çeljen e negociatave të anëtarësimit me BE.

Falenderoj të gjitha shtetet anëtare për këtë vendim inkurajues, që gjeti vend në axhendën europiane, pavarësisht momenteve shumë të vështira që po kalojmë çdo njëri prej nesh!

Asnjë minutë nuk duhet humbur për të zbatuar sa më parë secilin prej kushteve që i paraprijnë konferencës ndërqeveritare për nisjen e negocimit të kapitujve! 🇦🇱🤝🇪🇺, shkruan Meta./b.l/noa.al/

Loading...