Koronavirusi/ Ish-deputetja e PD i përgjigjet masave të Ramës: Dil nga vila dhe konsultohu me ekspertë
Transmetuar më 22-03-2020, 17:13

Koronavirusi po bëhet shqetësues në mbarë botën.

Nga ky virus vdekjeprurës është prekur eëdhe vendi ynë.

Ish-deputetja e Partisë Demokratike, Orjola Pampuri shprehet se është pro masave kufizuese por sipas saj mbyllja e farmacive është e tepërt dhe e papranueshme.

Ajo i bën thirrje Ramës që sipas saj të dalë nga vila dhe të dhe marrë vendimet e duhura afatgjata në konsultim me ekspertët.

“Mbështes masat kufizuese të lëvizjes së qytetarëve, por mbyllja e farmacive është e tepërt dhe e papranueshme. Farmacitë ofrojnë shërbim jetik për qytetarët, shpesh të përafërta për nga rezultati me shërbimin e urgjencës. Ato nuk mund të mbahen mbyllur dhe as nuk mund të veprojnë me orare të reduktuara”, shkruan ajo.

Sipas saj vendimet kaotike personale të Edi Ramës provojnë edhe njëherë paaftësinë e qeverisë për menaxhimin sic duhet të situatës.

“Vendimet kaotike personale të Edi Ramës provojnë edhe njëherë paaftësinë e qeverisë për menaxhimin sic duhet të situatës. Kjo është treguar qartë tek ndryshime 6 herë i rregullave të lëvizjes në vetëm 11 ditë. Atë që thotë paradite, e ndryshon pasdite. Improvizimet nuk shërbejnë në këtë situatë”, shkruan ajo më tej.

Ajo shton më tej se:

“Situatat emergjente kërkojnë veprime të matura, të përgjegjshme, të qarta dhe jo kaotike. Qytetarët duhet të mësohen me rregullat, që ti respektojnë ato me përpikmëri dhe pa panik. Në këtë situatë nuk duhen vendime që merren aty për aty, por vendime të mirëmenduara dhe pas një analize profesionale të ekspertëve të fushës. Ndryshimi i shpeshtë i kufizimeve të lëvizjes është joproduktiv dhe të gjithë pamë që solli grumbullime masive të njerëzve në rrugë”.

“Edi Rama dil nga vila dhe merr vendimet e duhura afatgjata në konsultim me ekspertët. Konsultimi me vetveten, i mbyllur në shtëpi dhe jashtë realitetit, nuk është aftësi, por papërgjegjshmëri”, e mbyll Pampuri shkrimin e saj në Facebook./a.k/noa.al/