Është një apel dëshpërues që vjen nga spitali Papa Giovanni XXIII në Bergamo ku Stefano Fagiuoli, drejtor i Departamentit të Mjekësisë të të gjithë strukturës shëndetësore, kërkoi ndihmë, së pari të mjekëve dhe infermierëve, e më pas edhe të qytetarëve. Është një mesazh i lançuar në radhë të parë dhe në anglisht, në mënyrë që të mund të arrijë kudo, sepse situata në Bergamo tani është në ekstremin e saj.

"Mjekët tanë punojnë ditë e natë për të luftuar këtë emergjencë. Ne kemi dëshpërimisht nevojë për infermierë dhe mjekë, si dhe pajisjet e ventilimit dhe pajisjet mbrojtëse personale ", shpjegon Stefano Fagiuoli në apelin e tij të ndarë përmes kanaleve zyrtare sociale të spitalit të Bergamos.

Mesazhi i parë është për popullatën: “Ju lutemi qëndroni në shtëpi. Ne jemi në urgjencë të plotë të koronavirusit. Stafi, mjekët dhe infermierët tanë janë duke punuar ditë e natë, orë të panumërta, për të luftuar këtë situatë të jashtëzakonshme” – thotë Fagiuoli në një video mesazh në faqen në Facebook të Asst Papës Gjon XXII – nuk e dimë se sa kjo pandemi do të zgjasë. Unë kam dy porosi. E para është për popullsinë që kërkoj dhe i lutem të qëndrojnë në shtëpi.

E dyta është për këdo që dëshiron të na ndihmojë: ne kemi nevojë dëshpërimisht të infermierëve dhe mjekëve, si dhe pajisje mbrojtëse personale dhe pajisje ventilimi’.

OJQ-ja Cesvi – shton Fagiuoli – po na ndihmon me një mbledhje fondesh në platformën Gofundme, kështu që nëse mund të na ndihmoni. Dhe nëse jeni profesionist i kujdesit shëndetësor jeni më shumë se të mirëpritur të bashkoheni me ne për të luftuar koronavirusin".

Vetëm mbrëmjen e djeshme pamjet e kolonës së gjatë të automjeteve ushtarake që mbërritën në Varrezat Monumentale të qytetit numëronin mbi 70 arkivole. Numri i vdekjeve në të vërtetë në provincën e Bergamos vazhdon të rritet dhe vetë varrezat nuk kanë më hapësirë ​​për të menaxhuar arkivolet në hyrje.

Edhe krematoriumi i Bergamos nuk është në gjendje t’i plotësojë nevojat, lista e pritjes është një javë dhe kur është e mundur, varrosjet bëhen në prani të disa miqve të ngushtë dhe madje të dielën. Për këtë arsye arkivolet, ato që populli i Bergamos i pa të mërkurën në mbrëmje, do të sillen në provinca të tjera. Shtojini kësaj, dramën e spitaleve të qytetit ku ka mbaruar kujdesi intensiv dhe personeli mjekësor i të cilit është në fund të forcës së tyre./b.l/noa.al/