Ndërkohë që pritet me momente të nisë manifestimi i thirrur nga Presidenti Ilir Meta, ministri i Brendshëm, Sandër Lleshaj ka shkuar në zyrën e kryepolicit, Ardi Veliu.

Mësohet se dy zyrtarët e lartë diskutojnë lidhur me planin e masave, për mbarëvajtjen e protestës.

Ndërkohë për parandalimin e çdo incidenti të mundshëm, Kryeministria por edhe institucionet e tjera në bulevardin “Dëshmorët e Kombit”, janë rrethuar nga forca të shumta policie, siç mund të shihni në fotografi.

Presidenti i ka ftuar qytetarët në orën 17.00 të ditës së sotme në bulevardin “Dëshmorët e Kombit” duke iu dhënë fjalën se shumë shpejt falë popullit shqiptar s’do ketë vetëm një institucion që është në mbrojtje të Kushtetutës por gjithë institucionet që janë në bulevardin “Dëshmorët e Kombit” do i kthehen popullit shqiptar.

Në këtë ditë ai ka paralajmëruar firmosjen e dekretit të parë për shpartallimin e grushtit të shtetit. /a.y/noa.al

https://www.facebook.com/zeriamerikes/videos/1087767401570202/