Një 20-vjeçar është kapur në flagrancë në lokalet e Shkodrës.

I dyshuari i identifikuar si S.L.,banues në Shkodër akuzohet për veprën penale “Prodhimi dhe shitja e lendëve narkotike”.

Në kuadër goditjes ndaj ushtrimit të lojërave të fatit të palejuara dhe personave që shesin drogë, policia bëri kontroll në ambientet e një bar kafeje në lagjen "Manush Alimani".

Në raftin e pijeve, sekuestruan një qese me kanabis në formë çokollate, me peshë 93 gr dhe një peshore elektronike.  Një tjetër i dyshuar, i identifikuar si K.G., 25 vjeç po procedohet në gjendje të lirë sepse i është gjetur në aparatin e tij celular një faqe web-i, e dyshuar si faqe sportive për lloto.

Materialet i janë dërguar prokurorisë së Shkodrës për veprime të mëtejshme./a.m/noa.al/