Ne kryejmë të njëjtin ritual çdo mëngjes dhe mbrëmje. Gjithmonë i lajmë dhëmbët me kujdes, por ekziston një pjesë e rëndësishme që shpesh neglizhohet. Ata janë mishrat e dhëmbëve.

Nëse e lini të paprekur këtë pjesë të gojës tuaj, mund të jetë më e rrezikshme se sa mendoni.

Rreth 30 deri 45 përqind e popullsisë në botë vuan nga presioni i lartë i gjakut, që është shkaku kryesor i sëmundjeve kardiovaskulare. Inflamacioni në mishrat e dhëmbëve është gjithashtu një problem i madh. Rreth 50 përqind e popullsisë së botës preket nga kujdesi i dobët i furçës, dhe studiuesit kanë dyshuar prej kohësh se mund të ketë një lidhje midis presionit të lartë të gjakut dhe sëmundjes së mishrave të dhëmbëve.

Studiuesit britanikë në Institutin dentar ‘Eastman’ hulumtuan nivelet e presionit të gjakut në disa prova. Rezultatet zbuluan se presioni mesatar i gjakut ishte 4.5 mmHg më i lartë në pacientët me sëmundje të dhëmbëve sesa te njerëzit pa sëmundje të mishrave të dhëmbëve.

Sidoqoftë, nuk është vërtetuar përfundimisht që sëmundja e mishrave të dhëmbëve shkakton rritje të presionit të gjakut.

Studiuesit ende nuk kanë një përgjigje të saktë për shkaqet dhe arsyet e rritjes së presionit të gjakut./a.m/noa.al/