Dhuna në familje, një plagë sociale e shoqërisë shqiptare gjatë viteve të fundit, nuk ndalet as në vendet ku jetojnë dhe punojnë emigrantët shqiptarë.

Një shqiptar, 38-vjeç,  është arrestuar në Greqi, pasi ka kërcënuar dhe ka rrahur brutalisht në mes të rrugës të fejuarën e tij.

Ngjarja ka ndodhur në Volos. Nuk dihen ende motivet.

Nga dhuna e ushtruar, mediat helene raportojnë se e fejuara e shqiptarit, përfundoi në spital, ku po merr ndihmën e parë mjekësore.

Kanë qenë fqinjë dhe kalimtarë të rastit ata që kanë lajmëruar policinë, pas dhunimit barbar të gruas shqiptare.

Nuk janë bërë të ditur identitetet e shqiptarit dhe parneres së tij, ndërsa policia akuzon 38-vjeçarin për "dhunë në familje"./NOA.al