Një person është gjetur i pajetë në orët e para të mëngjesit të sotëm, tek Liqeni Artificial, ku paraprakisht dyshohet që të jetë mbytur.

Rreth orës 07:00 të mëngjesit të kësaj të marte në Liqenin Artificial, nga ana e efektivëve të policisë të komisariatit Nr.1, është gjetur i pajetë 57-vjeçari A. I., banues në Tiranë.

Nga këqyrja paraprake në trupin e viktimës nuk janë konstatuar shenja dhune.

Nga deklarimet e marra nga familjarët, rezulton se viktima vuante nga probleme të shëndetit mendor si dhe dyshohet të jetë vetëmbytur.

57-vjeçari ishte shpallur në kërkim ditë më parë për largim nga banesa. Lidhur me këtë rast për veprime të mëtejshme, materialet iu referuan Prokurorisë së Tiranës. /a.y/noa.al