Kuvendi i Shqipërisë pritet të zgjedhë nesër në një seancë plenare, Prokurorin e ri të Përgjithshëm.

Në të njëjtën seancë plenare do të miratohet edhe buxheti  për vitin 2020 si dhe akti normativ për dhurimin e 17 apartamenteve për familjarët e viktimave të shkaktuara nga tërmeti i 26 Nëntorit.

Seanca plenare nis ditën e nesërme në ora 10:00.

Duke iu referuar bazës ligjore, zgjedhja e drejtuesit të ri të organit të akuzës, mund të  bëhet me minimumin prej 84 votash.

Kjo do të thotë se mazhoranca do të ketë nevojë edhe për votën  e opozitës, për të zgjedhur Prokurorin e ri të Përgjithshëm.

Këshilli i Lartë i Prokurorisë ka kryer edhe renditjen definitive të tre kandidatëve.

Renditja zyrtare sipas KLP-së fillon me kandidatin e parë, Olsian Çela, dhe vijon me Arta Markun. Në fund qëndron Fatjona Memçaj.

Kuvendi do të ketë 30 ditë kohë për emërimin e kreut të organit të akuzës.

Nëse nuk arrihet kjo, atëherë posti i krye-prokurorit të ri shkon për atë që është renditur i pari në listën e KLP-së, pra për Olsian Çelën.

Megjithatë, nuk shihet e në Kuvend ka pasur mosmarrëveshje edhe me opozitën e re, lidhur me emrat që janë kualifikuar apo edhe renditur nga KLP.

Që kur nisi procesi i Vetting, Shqipëria pritet të ketë një prokuror të përgjithshëm, me mandat të plotë./NOA.al