Kryeministri Edi Rama deklaroi se të prekurve nga tërmeti iu duhen ofruar një sërë opsionesh për strehim.

Në mbledhjen e sotme të qeverisë ai tha se Ministrja e Financave dhe kryetari i Komitetit Kombëtar po punojnë me ekspertët për rishikimin e buxhetit dhe se përgjigja dhe reagimi i partnerëve është inkurajues sepse nevoja për të krijuar një bazë solide për operacionin e rindërtimit është e madhe.

“Të gjitha familjet të targetohen sipas nevojë që procesi të mos marrë vite e vite. Na është ngarkuar që të merret me familjet e viktimave. Familjeve të vetmuara, të Thumanës ju duhen vetëm opsione, nëse dëshirojnë të qëndrojnë aty ose të vijnë në Tiranë. Për familjet që kanë pasur këto goditje ikja në një vend do ishte zgjidhja më e mirë sepse qëndrimi aty ku humbën gjithë ato njerëz do e bënte të vështirë rikuperimin psikologjik të tyre”, u shpreh Rama.

Ai tha se brenda mesit të dhjetorit të gjithë do jenë nëpër shtëpi dhe se fondi prej 1 milionë lekësh duhet të aktivizohet sot dhe se janë edhe dy familje në Kosovë që duhen kontaktuar dhe duhet ta marrin këtë fond.

“Fëmijët duhet të marrin bursën duke përfshirë edhe muajin nëntor. Për pensionistët, nuk bëhet fjala për një pension të çfarëdoshëm por pensionin e veçantë të Republikës së Shqipërisë. Të gjithë ata që janë pensionistë në këto familje dhe shuma duhet të jetë e lërueshme menjëherë. Nëse do të dhurohet në dhjetor brenda do të jetë edhe pensioni i nëntorit”, deklaroi Kryeministri. /a.y/noa.al