Rinoceronti i bardhë më i vjetër në botë ka ngordhur në një kopsht zoologjik francez në moshën 55 vjeçare. Sana, e cila lindi në Afrikën e Jugut në vitin 1964, u transportua në Evropë në moshën shtatë vjeç.

Jetëgjatësia e rinocerontit të bardhë dhe të egër zakonisht është rreth 50 vjet, sipas grupit të mbrojtjes ‘Save the Rhino’.

Sana kërkoi kujdes të veçantë në vitet e saj të mëvonshme dhe vdiq të martën, tha parku në një deklaratë.

“Ekipi i Planete Sauvage me keqardhje ka njoftuar vdekjen e Sana, të martën, 12 nëntor në moshën 55 vjeçare (rekord botëror për rinocerontët më të vjetër).  Lindur në vitin 1964 në Parkun Kombëtar Umfolozi në Afrikën e Jugut, Sana mbërriti në Evropë në 1971.

Ajo kaloi disa vjet në parqe të ndryshme në Gjermani para se të arrinte në Planete Sauvage më 27 tetor 1993, një vit pasi u hap”, thuhet në deklaratë./b.l/noa.al/