Një bari në Leskovik rezulton i zhdukur prej 2 ditësh. Mësoshet se Dhimitër Baze rreth 74 vjeç ka dalë dy ditë me parë për të kërkuar bagëtitë në zonën e Postenit por nuk është rikthyer në stan.

Bagëtite janë kthyer çka ka bërë qe banoret të sinjalizojnë policinë lidhur me zhdukjen e tij. Forca te shumta policie janë duke kërkuar në gjithë zonën për gjetjen e bariut.

“Në Sallën Operative Kolonjë, jemi njoftuar nga një telefonatë, se shtetasi Dhimitër Baze, rreth 74 vjeç, banues në fshatin Postenan, ka humbur kontaktet me familjarët, pasi ka dalë për të kërkuar bagëtitë në pronësi të tij, të cilat nuk ishin kthyer në banesë”, thuhet në njoftimin e policisë.

Forcat e Policisë, që prej mëngjesit të djeshëm, po krehin zonën për të bërë të mundur gjetjen e këtij shtetasi. Grupi hetimor po punon për sqarimin e rrethanave të ngjarjes./b.l/noa.al/