Merkel publikon foto nga takimi me Ramën, zbulon dhuratën e Kryeministrit
Transmetuar më 13-09-2019, 12:23

Pas takimit që pati me Kryeministrin Edi Rama, kancelarja gjermane Angela Merkel ka publikuar një fotografi me të.

Nëpërmjet fotos, zbulohet se kreu i qeverisë shqiptare i ka çuar edhe një dhuratë Merkel.

“Kancelarja Merkel priti në takim Kryeministrin e Shqipërisë, Edi Rama. Politikani i cili është gjithashtu artist, i solli kancelares librin e tij të fundit si suvenir”, thuhet në shkrimin që shoqëron foton.

Më herët duke përfunduar një video nga përfundimi i takimit me Merkel, Rama shkroi, “Shumë i inkurajuar nga vlerësimet dhe predispozita pozitive ndaj Shqipërisë e kancelares Merkel. Mike e vërtetë”.

Në fillim të takimit duke publikuar pamje, Rama shkroi, “Në Kancelarinë Federale për të kërkuar PO-në për Shqipërinë”.

Më herët mëngjesin e sotëm pati një takim tjetër ku duke publikuar një fotografi foli për një bashkëbisedim të hapur dhe pozitiv, në kërkim të mbështetjes së negociatave.

“Në Komitetin e Çështjeve Europiane të Bundestagut për të kërkuar PO-në e parlamentit gjerman për Shqipërinë. Bashkëbisedim i hapur dhe pozitiv”, shkroi Rama. /a.y/noa.al

Loading...
Loading...