Plagosja me armë zjarri në Lezhë, për një karikues
Transmetuar më 11-09-2019, 10:43

Plagosja me armë zjarri e ndodhur mbrëmjen e djeshme në Lezhë, ka pasur si motiv një karikues celulari.

Kjo pasi i plagosuri Ardian Kola ka shkuar në dyqanin e Aleksandër Dedgjonaj për të blerë një karikues.

Mirëpo pasi është larguar nga dyqani ai ka konstatuar se karikuesi nuk punonte, duke u kthyer te dyqani i Dedgjonaj.

Teksa Kola i ka thënë të zotit të dyqanit se karikuesi nuk punonte, ky i fundit i është përgjigjur se e kishte prishur vetë.

Nga aty nisi konflikti fizik, ku më tej Dedgjonaj ka qëlluar me armë 37-vjeçarin, duke e plagosur në këmbë.

Si i dyshuar për ngjarjen është bërë shpallja në kërkim e Aleksandër Dedgjonaj.

Nga hetimet e policisë rezulton se i plagosuri dhe i dyshuari njiheshin me njeri tjetrin, pasi kanë biznese pranë njeri tjetrit.

Kola ka një biznes ku jep makina me qera, ndërsa Dedgjonaj ka një dyqan celularësh.

Lidhur me rrethanat e ngjarjes, hetimet janë në vijim, për të zbuluar më shumë. /a.y/noa.al

Loading...
Loading...