Nga frika e hakerëve, WhatsApp ka përgatitur me urgjencë një përditësim sigurie për të mbrojtur përdoruesit.

Ditën e martë, kompania zbuloi se në platformën e mesazheve ka një lloj “çarje” që i ka lejuar sulmuesit kibernetikë që të instalojnë një kod të dëmshëm tek përdoruesit.

Kodi i dëmshëm thuhet se po transmetohet me anë të një telefonate që është në një farë mënyre një kurth.

WhatsApp njofton gjithashtu se kodi mund të transmetohet edhe nëse përdoruesit nuk i përgjigjen telefonatës.

Cilët celularë janë prekur?

Kompania deklaron se ka 1.5 miliardë përdorues të cilët mund të jenë prekur përfshirë këtu ata që përdorin iPhone, celularë që operojnë me Android, ata me Windows dhe pajisjet Tizen.

Si ta zbuloni nëse jeni prekur?

Numri i saktë i personave të prekur nuk dihet ende. Por, sipas kompanisë, nëse nuk keni marrë ndonjë telefonatë nga persona të panjohur, atëherë mund të mos jeni prekur. Por nëse dikush ju ka telefonuar dhe ka qenë person i panjohur, pavarësisht nëse keni folur ose jo, jeni prekur nga virusi përgjues dhe vjelës i të dhënave.

Si të mbroheni

Ja njoftimi

WhatsApp e ka rregulluar tashmë problemin, por që të jeni të sigurt duhet që të instaloni përditësimin e fundit të aplikacionit. Bëhet fjalë për përditësimin e 10 maj 2019: Security fix for CVE-2019-3568.

/k.k/noa.al/