Foto+18/ Përdhunimet e serbëve, denoncimi në kuvendin e Kosovës
Transmetuar më 16-05-2019, 15:30

Deputetja e PDK-së Flora Brovina sot ka paraqitur një fotografi që sipas saj dëshmon dhunimin e një gruaje 35 vjeçare nga ushtarët serbë gjatë luftës në Kosovë.

Dhunimi sipas saj ka ndodhur në sy të familjes. Në fotografitë e publikuara, shihet se dhunimin e kanë kryer në mënyrë mizore më shumë se tre serbë.

“Rasti në fjalë është një fotografi që është gjetur në aparatin e një ushtari serb që dëshmon aktin, mënyrën se si i kanë dhunuar gratë. Kjo është vetëm njëra nga mënyrat kur i kanë detyruar familjarët që ta shohin aktin e dhunës seksuale. Shumë raste kemi kur ato janë mbledhur shumë në numër dhe sistematikisht janë dhunuar nga ushtarët serb”, tha ajo.

Ajo nuk ka dhënë detaje se në cilin vend ka ndodhur ky rast pasi sipas saj duhet ruajtur privatësia. “Gruaja është 50 vjeçe kur ka ndodhur ka qenë 35 vjeçe. Tani është zgjuar vetëdijësimi institucional që për këto viktima të ngriten aktakuza. Serbia është fajtorja”, tha ajo.

Loading...
Loading...