Parashikimi i motit, e enjte 11 prill 2019
Transmetuar më 10-04-2019, 14:02

Tiranë, NOA.al- Deri në mesditë do të mbetemi nën ndikimin e masave ajrore të paqëndrueshme.

Për pasojë, vranësira të dendura dhe reshje shiu do të dominojnë në veri dhe zonat qendrore.

Mbrëmja dhe orët e natës, paraqiten kryesisht me vranësira dhe intervale kthjellimesh në zonat qendrore ndërsa vranësira të shpeshta dhe shira do të ketë në ekstremin verior të Shqipërisë.

Sipas MeteoAlb, temperaturat e ajrit do të rriten sërish në mëngjes dhe mesditë duke luhatur vlerat ekstremale ditore nga 6°C në zonat malore deri 22°C në zonat e ulëta.

Era do të fryjë mesatare deri e fortë, me shpejtësi 40 km/h nga drejtimi jugor duke krijuar në det dallgëzim 3-4 ballë. /a.y/noa.al