Zëvëndëskryeministri Erion Braçe ka hapur seancën e parë të kongresit të Partisë Socialiste e cila do të fokusohet në platformën e bashkëqeverisjes. Gjatë kësaj seance vetë qytetarët kanë treguar rastet kur problemet e tyre kanë marrë zgjidhje përmes portalit.

Më pas në fjalën e tij Braçe ka deklaruar se shërbimet e shtetit do të jenë të barabarta për të gjithë shtetasit pa bërë dallime në status.

"Kemi humbur shumë kohë por sot, shqiptarë të zakonshëm, secili prej tyre shtetin e ndjejnë te shërbimet publike. Për shak të sisitemit ne nuk do të jemi të barabartë por pëmes platformës, nuk ka rëndësi kush je do trajtohesh si i barabartë. Po ndryshojmë, po shërbejmë më shumë.

Sot eksportet bujqësore do fillojnë të rriten. Numri i turistëve të huaj rritet. Bëni dhe ju siç bënë studentët dhe pas fjalës së tyre ne plotësuam kushtet e tyre, bëni siç bënë shqitarët që këkuan drejtësinë. Vetëm kështu mund të bëjmë këtë vend", u shpreh Braçe.

Më tej ai u shpreh se kush zyrtar nuk i përgjigjet problemeve të qytetarëve do të largohet.“Mbi 22 mijë qytetarë kanë marrë zgjidhje përmes platformës së bashkëqeverisjes. Qytetarët janë fuqia jonë e reagimit. Shqiptarët e zakonshëm shtetin e paguajne për këto shërbime. Shqiptarët ndjejnë shtetin tek shërbimet që marrin.

Duhet të shërbejmë më shumë dhe të modernizohemi. Kush nuk u përgjigjet njerëzve do të ikin. Kush hap zyrën dhe rri e sheh muret siç vetë i kam parë ikën dhe do të ikin. Fuqia jonë e reagimit janë njerëzit e zakonshëm” – tha Braçe./b.l/noa.al/

Balla: PS partia më e madhe e shqiptarisë, të gatshëm për dialog me opozitën