Partia Socialiste mblodhi ditën e sotme Kryesinë, e cila i prin Kongresit që do të mblidhet më 23 mars, në orën 10.00.

Mësohet se gjatë Kongresit fjalën do e mbajë kryesocialisti Edi Rama, njëherësh edhe Kryeministër.

Më tej pritet të shpallet lista e këshilltarëve bashkiakë për Tiranën.

Po ashtu mësohet se gjatë kongresit do të mbajnë fjalë ministra dhe kryetarët e bashkive.

Por ndër të tjera të ftuar në Kongres janë edhe gjithë ish-kryeministrat socialist, ku mes tyre, ftesë i është dërguar edhe Fatos Nanos.

Mbetet të shihet nëse Nano do të jetë pjesë e Kongresit dhe ca më tepër, nëse do të ketë fjalim prej tij. /a.y/noa.al