Aktori shqiptar zbulon se çfarë bëri regjisori për ta bërë pjesë të serialit turk: Më refuzuan vizën, por…
Transmetuar më 12-03-2019, 22:14

Aktori i njohur shqiptar, Nik Xhelilaj prej kohësh është bërë pjesë e kinematografisë turke.

Aktualisht, Nik po zhvillon xhirimet për një serial turk, ku do të luajë rolin e një personazhi shqiptar me origjinë nga Prizreni.

Së fundmi ai ka zhvilluar një intervistë me moderatoren e njohur Orinda Huta, ku ka folur për jetën e tij private dhe atë profesionale.

Orinda ka publikuar në profilin e saj në “Instagram” promon e puntatës së radhës të emisionit “Jo vetëm modë”, duke bërë kështu publike disa sekuenca të shkëputura nga intervista e realizuar në Stamboll.

“Shansi im që në Shqipëri në ato vite pati një erë të mirë në qendrën e kinematografisë shqiptare. Pas katër vitesh për të marrë përgjigjen, refuzim vize!”, dëgjohet të thotë në një moment aktori.

Niku shtoi pastaj se regjisori (turk) e kishte ndarë mendjen dhe i ka zhvilluar audicionet në Tiranë.

Ndërkohë i pyetur për raportet e tij me femrat, aktori i njohur është shprehur duke qeshur se i ka të mira. “Në raportet e mia private me femrat i mirë jam. Veten për të mirë e di”, shprehet ai.