Tragjedia me 14 të vdekur, Prokuroria jep detaje rreth aksidentit dhe shoferit të autobusit
Transmetuar më 14-02-2019, 16:50

Prokurori Publik nga Prokuroria Themelore Publike – Shkup bashkë me ekipin e MPB-së sot në ora 13:15 kanë mbaruar ekspertizën në vendngjarje të aksidentit të mbrëmshëm në rrugën Shkup-Gostivar ku humbën jetën 14 udhëtarë dhe shumë të tjerë mbetën të lënduar.

“Intensivisht punohet në vërtetimin e të gjitha detajeve të cilat do të mund të zbulonin shkaqet e aksidentit”, – thuhet në njoftimin e prokurorisë.

Më tej vijohet: “Autobusi i kompanisë “Durmo Turs” është marrë nga vendi i ngjarjes dhe me urdhër të Prokurorit Publik mbi te do të kryhet kontroll teknik i detajuar nga ana e Fakultetit të Makinerisë në Shkup”.

Nga informatat e deritanishme flitet se bëhet fjalë për autobus të vitit 2001, dhe se për herë të fundit ka qenë i regjistruar në janar të viti 2019”, thuhet në njoftimin e Prokurorisë, nga ku shtohet se në kohën e aksidentit tek vozitësi nuk është regjistruar prezencë e alkoolit, barnave dhe substancave psikotrope.

“Vozitësi i cili ka drejtuar autobusin është hospitalizuar dhe ka marrë lëndime trupore. Menjëherë pas aksidentit prokurori publik realizoi një bisedë me te dhe gjatë kësaj ai ka nuk ka dhënë detaje relevante për ngjarjen”.

Prokurori publik thotë se verbalisht është njoftuar se analizat e gjakut dhe të urinës flasin se në momentin e aksidentit tek vozitësi nuk është regjistruar prezenca e alkoolit, barnave apo substancave psihotrope.

Me marrjen e tabulateve nga operatorët celularë do të vërtetohet nëse vozitësi në momentin e aksidentit ka shfrytëzuar telefonin celular”, – thuhet në njoftimin e Prokurorisë Themelore Publike- Shkup.

Viktimat e tragjedisë rrugore:

Onur Sadiku, 19-vjeçar nga Gostivari Esat Emruli nga Gostivari Ajdin Ismaili, 19 vjeç nga Gostivari Besim Fetai nga Vrapçishta Rametulla Abdurraimi, djalë i vetëm i familjes Abdurraimi Besim Kamberi nga fshati Senakos i Gostivarit Bejza Uzeiri nga Banjica e Poshtme Valdete Hamiti, (1989), nga Debreshti i Gostivarit, nënë e dy fëmijëve të mitur Jovica Tërpevski, djali i deputetit Bllagojçe Tërpevski nga Gostivari Zoran Davidovski (1981), punonjës në Qytetin e Shkupit Tërpana Janevska, pensioniste nga Gostivari Boban Avramovski, student i FON-it Dejan Ristevski, i punësuar në Bankën Popullore të Maqedonisë Pavle Kostoski, nga Gostivari, i sapo diplomuar në Fakultetin Juridik në Shkup