Një krim i rëndë në familje është shënuar mëngjesin e sotëm në Tiranë, ku një punonjës i Gardës ka vrarë gruan e tij.

Efektivët e komisariatit Nr.4 të policisë, në bashkëpunim me Shërbimi për Çështjet e Brendshme dhe Ankesat arrestuan në flagrancë shtetasin Alket Arapaj, 44 vjeç, punonjës në Gardën e Republikës.

Arapi akuzohet se rreth orës 06:00 të mëngjesit, në banesën e tij në Allias, dyshohet se ka vrarë me armën e shërbimit bashkëshorten, 36 vjeçe Ervilma Seferaj.

Lidhur me këtë ngjarje hetimet janë në vijim, teksa mësohet se krimi është kryer me armën e shërbimit.

Për veprime të mëtejshme ndaj 44-vjeçarit, materialet iu referuan Prokurorisë së Tiranës për veprën penale “Vrasje për shkak të marrëdhënieve familjare”. /a.y/noa.al