Tre shqiptarë janë vënë në prangat e policisë greke në kufi mes Shqipërisë dhe Greqisë.

Të dyshuarit u kapën në flagrancë me çanta të zeza në krahë, brenda të cilave kishte 113 kilogramë lëndë narkotike marijuanë.

Mësohet se lënda narkotike u zbulua gjatë natës mes të hënës dhe të martës, në Igumenicë, në zonën pyjore të Leptokarias.

Shqiptarët e arrestuar janë të moshës 23, 24 dhe 31 vjeç.

Ata u kapën duke ecur në këmbë në pyll, teksa transportonin çantat me drogë, e cila ishte e ndarë në 99 pako.

Bashkë me ta kanë qenë edhe dy persona të tjerë, të cilët duke përfituar nga errësira arritën të largohen me vrap, duke u futur në tokën shqiptare. /a.y/noa.al