Qysh kur u zgjodh rreth një vit më parë, u bë i qartë fakti se Arta Marku, e cila zuri vendin e Adriatik Llallës, ishte prokurore e Përgjithshme e përkohshme.

Ditën e sotme kryetari i Këshillit të Lartë të Prokurorisë, Gent Ibrahimi, ka bërë me dije edhe datën se kur do të nisë gara për Prokurorin e ri të Përgjithshëm.

Bëhet fjalë për datën 19 mars, ditë kur do i hapet rruga pasuesit të Arta Markut.

“Ligji na jep tre muaj kohë pas konstituimit të Këshillit të Lartë të Prokurorisë për përgatitjen e rregullores. Në datë 19 mars hapet gara për Prokurorin e Përgjithshëm”, deklaroi Ibrahimi në një prononcim për mediat ditën e sotme.

Ai shtoi më tej se në muajin qershor do të jetë zgjedhur kryeprokurori i ri, si dhe do të jetë ngritur prokuroria speciale antikorrupsion, e njohur ndryshe si SPAK. /a.y/noa.al