Partia Demokratike dhe Lëvizja Socialiste kanë kallëzuar penalisht Prokuroren e Përgjithshme të Përkohshme, Arta Marku.

Kallëzimi është depozituar pranë Gjykatës së Shkallës së Parë, Tiranë.

Ky kallëzim i opozitës ndaj kreut të organit të akuzës vjen pas deklaratave se prokurori Bujar Sheshi ka qenë bashkëpunëtor i ish-Sigurimit të Shtetit.

Dhe në këtë kontekst, PD dhe LSI në daljet e vazhdueshme për mediat kanë akuzuar Arta Markun si përgjegjëse për këtë situatë të krijuar, duke e akuzuar për shpërdorim detyre.

Në kallëzimin penal, PD dhe LSI kërkojnë pezullimin nga detyra të kryeprokurores.

Ndërkohë, vetë anëtari i Këshillit të Lartë të Prokurorisë, Bujar Sheshi ka mohuar një pretendim të tillë, duke thënë se nuk ka qenë bashkëpunëtor i ish-Sigurimit. /k.k/noa.al/