Një person ka humbur jetën nga rënia e një orteku bore në Brezovicë të Kosovës.

Lajmi  për viktimën është njoftuar nga Agjencia për Mjedisin.

Ndërkohë burime nga policia në rajonin e Ferizajt, shprehen se  orteku ka zënë dy persona, njëri prej të cilëve humbi jetën.

Sipas mediave vendase është mësuar identiteti i personit të cilin e zuri orteku i dëborës në Brezovicë.

I ndjeri është Arian Daci, zv.ministër i Diasporës për Kosovën, djali i ish-kryetarit të Kuvendit të Kosovës Nexhat Dacit.

Brezovica është zonë turistike në parkun e Sharrit dhe një destinacion mjaft i parapëlqyer edhe për qytetarët shqiptarë, të cilët preferojnë turizmin malor./a.k/noa.al/