Krimi nuk po di të ndalet duke goditur sërish me shpërthim automjetesh.

Në Tiranë, mbrëmjen e sotme, një automjet u hodh në erë nga persona që aktualisht nuk janë identifikuar.

Ngjarja ndodhi te rruga “Belul Hatibi” ku rrotull gjenden Komisariati i Policisë Nr 4 dhe ai i Policisë Rrugore, raporton noa.al duke cituar burime në vendngjarje.

Pamje nga vendngjarja

Policia e Tiranës e cila konfirmoi zyrtarisht lajmin, tha se shpërthimi ndodhi sonte në orën 20.40 në një makinë të parkuar e cila ishte në pronësi të shtetasit D.H.

Si pasojë e shpërthimit janë shkaktuar dëme materiale duke shkatërruar një pjesë të automjetit, siç shikoni dhe fotot që shoqërojnë këtë lajm.

Policia pohon se ende nuk dihen autorët dhe arsyet e kësaj ngjarjeje.

Ditët e fundit ka pasur një seria shpërthimesh në automjete, duke përfshirë qytetet Vlorë, Elbasan, etj.

Në të gjitha rastet, sikurse dhe ato pararendëse të kohëve të fundit që kanë ardhur duke u shtuar, zbulueshmëria nga ana e policisë është në nivelin minimalist. /noa.al/