Një dyqan floriri është plaçkitur vetëm pak orë para natës së djeshme të ndërrimit të viteve.
Ngjarja nuk u mjaftua vetëm me grabitjen, pasi autorët e maskuar shkaktuan edhe një aksident me përplasje të dy makinave, raporton noa.al duke cituar burime zyrtare policore.
Gjithka ndodhi dje (31 dhjetor), pak para orës 18.00 në rrugën “Dëshmorët e Kombit”, Ferizaj të Kosovës.
Pronari i dyqanit të floririt, raportoi në polici mbi ngjarjen.
Ai tha se në lokalin e tij erdhën dy persona, që të dy të maskuar dhe me armë zjarri në duar.
Viktima i grabitjes tha se maskat e plaçkitën dhe nën kërcënimin e armëve i kanë grabitur një sasi ari.
Gjatë ikjes nga vendi i ngjarjes, autorët kanë shtënë me armë zjarri dhe me forcë kanë marrë një makinë, me të cilën gjatë arratisë kanë aksidentuar dy vetura.
Gjatë të shtënave është dëmtuar edhe një veturë e tretë.
Sakaq, nuk dihet se ku përfundoi makina e katërt, ajo që iu grabit një qytetari dhe me të cilën morën arratinë maskat. /noa.al/