Duke nisur nga data 7 janar 2019, rikthehen protestat e studentëve.

Këtë e pohojnë për mes një njoftimi publik, organizatorët e kësaj proteste, të cilët për afro tre javë rresht “pushtuan” rrugët kryesore të Tiranës me tubime në shenjë pakënaqësie ndaj qeverisë.

Organizatorët kanë vendosur të rikthehen me moton e re PROSTUDENTO.

Ata njoftojnë se duke nisur nga ora 08.00 e mëngjesit të datës 7 janar, do të rifillojnë tubimet e protestës.

Kështu, pritet që të hënën e ardhshme, ndërsa duhet të rifillonte shkolla, studentët, djem e vajza, të dalin në rrugë duke bojkotuar mësimin në kërkim të plotësimit të tetë kërkesave të tyre.

Nga ora 8.00 deri në 10.00, protesta do të jetë e instaluar pranë fakulteteve përkatëse.

Kurse nga 10.00 deri në 17.00, protestuesit do të vendosen pranë Universitetit Politeknik të Tiranës.

Studentët vlerësojnë se vendimet që shpalli Edi Rama nuk janë përmbushje e kërkesave të tyre, ndaj ata janë të detyruar ta vazhdojnë protestën. /noa.al/