![](https://noa.al/newsImages/2018/12/111.jpg)
Një muzikant afrikano-jugor, kitaristi i jazzit, Musa Manzini, u operua në kokë, për heqjen e një tumori.
Por gjithçka u bë me anestezi lokale, teksa muzikanti i binte kitarës. Manzini 47 vjeç, iu nënshtrua një ndërhyrje kirurgjikale e cila zgjati për gjashtë orë në Inkosi Albert Luthuli Central Hospital të Durban.
Pikërisht për të shmangur paralizën dhe humbjen e funksioneve cerebrale të lëvizjes dhe në veçanti të gishtave, mjekët i kërkuan që ti binte kitarës, në mënyrë që të kontrollonin çdo gabim të mundshëm në kohë reale.
Një prej kirurgëve të ekipit, Rohen Harrichandparsad, shpjegoi se ekzekutimi muzikor i Manzini, iu mundësoi mjekëve që të bënin një ballafaqim në kohë reale, teksa hiqnin pjesën më të madhe të tumorit, shkruan noa.al.
Manzini i ra kitarës gjatë gjysmës së dytë të operacionit të gjatë, teksa mjekët kontrollonin nëse gjithçka ishte në rregull. /a.y/noa.al
Bashkohu me kanalin e NOA WhatsApp për lajmet më të fundit direkt në celularin tënd
![](/assets/images/shenim-news.jpeg)