![](https://noa.al/newsImages/2018/12/bujar_nishani.jpg)
Ish-Presidenti Bujar Nishani ka adresuar akuza të forta në drejtim të Kryeministrit Rama, të cilin e ka quajtur të korruptuar dhe pa diplomë universitare.
Përmes një statusi në Facebook, Nishani ka shkruar se Rama “është kryeministri i vetëm pa një Diplomë Universitare që nga koha kur në Shqipëri u rrëzua diktatura komuniste dhe u vendos sistemi demokratik pluralist politik”.
Kjo revoltë e ish-kreut të shtetit vjen në një kohë kur situata mes studentëve dhe qeverisë është e ndezuur.
“Asnjë argument dhe arsyetim normal prej këtij kryeministri kundër kërkesave të studentëve”, shkruan Nishani.
Ai shprehet i bindur kur shkruan se “studentët as kompleksohen, as përçahen e as tërhiqen nga propaganda e një njeriu që as nuk e njeh, as nuk e kupton e as i afrohet dot jetës universitare studentore”, /k.k/noa.al/
Bashkohu me kanalin e NOA WhatsApp për lajmet më të fundit direkt në celularin tënd
![](/assets/images/shenim-news.jpeg)