![](https://noa.al/newsImages/2018/12/monika-1-640x386.jpg)
Kryetarja e LSI-së, Monika Kryemadhi, i është përgjigjur postimit ironik të kryeministrit Edi Rama, i cili më herët i publikoi një video ku ajo bën një lapsus teksa flet me shifra në një deklaratë për shtyp.
Në kundërpërgjigje të ironisë që Rama ka bërë me lasusin e saj, në një postim në rrjetet sociale, Kryemadhi i vë në dukje gabimin në shkrimin e fjalës “konkurrent”, e cila sipas saj nga ana gramatikore duhej të ishte shkruar “konkurente”.
“Mirë aritmetikën, që e ke mbyllur në klasë të katërt fillore, por të paktën gramatikën ta kishe shfletuar ndonjëherë… P.s: …dhe mos u përpiq të konkurrosh rininë me meme, je shumë i vjetër dhe me humor bajat, që bën për të qeshur vetëm oborrin tënd”-shkruan kryetarja e LSI-së.
Kujtojmë se në postimin e tij, kryeministri ka shkruar se ky është momenti kur “Doktoresha” ia kalon “Artistit”.
Bashkohu me kanalin e NOA WhatsApp për lajmet më të fundit direkt në celularin tënd
![](/assets/images/shenim-news.jpeg)