![](https://noa.al/newsImages/2018/07/680828__original-1.jpeg)
Kryetari i Partisë Demokratike, Lulzim Basha, ka përshëndetur miratimin e ligjit për krijimin e Ushtrisë së Kosovës.
Duke e cilësuar si ngjarjen e dytë më të rëndësishme pas Pavarësisë, ai thotë se kombi shqiptar bëhet më i fortë.
“Urime Kosovë për Ushtrinë! Pas Pavarësisë, ngjarja e dytë e përmasave kombëtare dhe historike. Me Ushtrinë e saj Kosova do të jetë më e sigurtë, rajoni më në paqe, kombi shqiptar i integruar dhe më i fortë. Nderim të rënëve për liri, mirënjohje miqve të mëdhenj që na mbështetën!”, shkruan Basha.
Transformimi i Forcës së Sigurisë së Kosovës në Ushtri, e cila do të garantojë sovranitetin dhe integritetin e vendit, u miratua me 106 vota pro.
Ushtria e Kosovës pritet të ketë buxhet vjetor prej 98 milionë eurosh, 5 mijë ushtarë si dhe 3 mijë rezervistë. /a.y/noa.al
Bashkohu me kanalin e NOA WhatsApp për lajmet më të fundit direkt në celularin tënd
![](/assets/images/shenim-news.jpeg)