Tirana gjen fitoren me modestët e Kastriotit, shënon katër gola
Transmetuar më 08-12-2018, 16:00

Skuadra e Tiranës ka fituar 4-0 përballë modestëve të Kastriotit, një rezultat ky që nuk i kënaq aspak tifozët për faktin se përballë kishin një ekip pa pretendime.

I vetmi që mund të jetë ndier mirë është Traineri Mema që mori fitoren e parë.

Vetëm 11 minuta mjaftuan për të nisur festën bardheblu. Santamu i vjedh një penallti gardianit të Kastriotit dhe Edon Hasani nga 11 metërshi tregohet i saktë.

Mesfushori tregohet i saktë nga pika e bardhë, me Kukën që e dërgoi në njërën anë dhe topin në krahun tjetër.

Një kombinim perfekt mes Halilit dhe Grecës solli golin e sigurisë, 3 minuta përpara fundit të fraksionit të parë. Pjesë e festës bardheblu u bë dhe sulmuesi Michael N’goo, i cili lëvizi mjaft bukur brenda zonës, duke tundur rrjetën. Goli i Santamu në minutën e fundit të kohës së rregullt kompletoi pokerin. /k.k/noa.al/

NOA Sondazh