Transmetuar më 13-11-2018, 18:07
Ka zgjatur rreth dy orë takimi i zv/ministrit të Brendshëm me drejtues të policisë në Shkodër.
Noa ka mësuar se Sandër Lleshi është shprehur i prerë në luftën kundër krimit dhe imazhit që policët duhet të kenë në komunitet.
Kohët e fundit janë goditur disa raste të kriminalitetit në zonën e Shkodrës.
Ky është takimi i parë i Sandër Lleshit që pas marrjes së detyrës.
Ndërkohë, dekreti për ministër të Brendshëm ndodhet sërish në tavolinën e Presidentit Meta.
Ky i fundit, dhe Kryeministri Rama një ditë më parë hapën letrat duke bërë publike qëndrimet e tyre në lidhje me këtë çështje që ka përplasur dy institucionet si asnjëherë më parë. /k.k/noa.al/