![](https://noa.al/newsImages/2018/11/aaa-9.jpg)
Në vijim të operacionit “Ndëshkimi i të fortëve” është goditur një rast i shpërndarjes së lëndëve narkotike të forta.
Nga kontrollet e ushtruara nga policia e Lushnjes dhe Forcat e Ndërhyres së Shpejtë në lokale, akse rrugore dhe ambiente të ndryshme, gjatë mbrëmjes së kësaj të diele u vu në pranga Sebastian Haliti, 24 vjeç, banues në Lushnje.
Kjo pasi gjatë kontrollit të automjetit që drejtohej nga Haliti, në kroskotin e tij, u gjetën dhe sekuestruan 15 doza me lëndë narkotike e kokainë.
Gjithashtu nga verifikimi që i është bërë automjetit tip Mercedes-Benz, dyshohet se ky automjet mund të jetë i vjedhur dhe trafikuar.
Po ashtu u procedua penalisht pasagjeri që ishte në automjet me të, L.A., 27 vjeç, banues në Lushnje.
Ndaj të dyshuarit materialet për ndjekje të mëtejshme ju referuan Prokurorisë së Fierit. /a.y/noa.al
Bashkohu me kanalin e NOA WhatsApp për lajmet më të fundit direkt në celularin tënd
![](/assets/images/shenim-news.jpeg)