Situata e zjarreve  në Fushë-Arrëz po del jashtë kontrollit.

Përfaqësues të Bashkisë kanë bërë apel  për ndërhyrje nga ajri, pasi flakët po iu afrohen shtëpive të banimit.

Ndue Doda, nënkryetari i bashkisë ka kërkuar të ndërhyhet sa më parë me mjete ajrore, sepse terreni i vështirë dhe era po ndihmojnë flakët të përhapen me shpejtësi drejt banesave të banorëve.

Zjarri ka përshirë  sipërfaqe me pyje në zonën e Lumbardhit,  ndërsa ndërhyrja e mjeteve zjarrfikëse është e pamundur për shkak të terrenit malor.

“Situatë alarmante, zjarri përfshiu pyjet. Zjarrfikëset e kanë të pamundur të vënë zjarrin nën kontroll. Kërkojmë ndërhyrje nga ajri.

Zjarret po iu afrohen edhe banesave të banorëve”, tha për “BalkanWeb” nënkryetari i bashkisë, Ndue Doda.